Ultimate helpcenter

Цэсийн зориулалт

“Захиалга” хэсэг нь салбарын бараа бүтээгдэхүүний хэрэгцээнд үндэслэн захиалга бэлтгэх, харилцагчийн борлуулалтын захиалгыг бүртгэх, барааны үлдэгдэл болон захиалах тоо хэмжээг хянах, мөн өмнө бүртгэгдсэн захиалгын мэдээлэл, төлөв болон явцыг лавлах зориулалттай.

Цэс	Зориулалт
Салбарын захиалга (Бөөнөөр)	Сонгосон салбарын бараа бүтээгдэхүүний захиалгыг бөөнөөр бэлтгэх, барааны үлдэгдэл, өмнөх захиалга болон системээс санал болгосон тоо хэмжээг харгалзан захиалах хэмжээг тодорхойлж бүртгэхэд ашиглана.
Салбарын захиалга	Салбарын хэрэгцээнд үндэслэн бараа бүтээгдэхүүний захиалга бэлтгэх, нийлүүлэгч болон барааны ангиллаар мэдээллийг шүүн сонгох, үлдэгдэл болон санал болгосон тоо хэмжээг хянаж захиалга үүсгэхэд ашиглана.
Борлуулалтын захиалга	Харилцагчийн бараа бүтээгдэхүүний захиалгыг бүртгэх, захиалсан бараа, тоо хэмжээ, нэгж үнэ, нийт үнэ болон захиалгын төлөвийг бүртгэж, хянахад ашиглана.
Борлуулалтын захиалгын лавлагаа	Системд бүртгэгдсэн борлуулалтын захиалгуудыг харилцагч, огноо, бараа болон төлөвөөр шүүн хайж, захиалгын үндсэн болон дэлгэрэнгүй мэдээлэл, явцыг хянахад ашиглана.

Ингэснээр салбарын хэрэгцээний захиалга бэлтгэхээс эхлээд харилцагчийн борлуулалтын захиалгыг бүртгэх, захиалгын мэдээлэл болон төлөвийг хянах хүртэлх үйл ажиллагааг нэг дор удирдах боломжтой.

1.Салбарын захиалга (Бөөнөөр)

“Салбарын захиалга (БӨӨНӨӨР)” цэс нь сонгосон салбарын бараа бүтээгдэхүүний захиалгыг бөөний хэлбэрээр бэлтгэх, барааны үлдэгдэл болон өмнөх захиалгын мэдээллийг хянах, захиалах тоо хэмжээг тодорхойлон бүртгэхэд ашиглагдана. Захиалга бэлтгэхдээ журналын огноо болон салбар-ыг сонгож хайлт хийнэ. Системд тухайн үеийн огноо, цаг болон захиалга хаагдах хугацаа харагдана.

Хайлтын хэсэгт Журналын огноо болон Салбар-ыг сонгон хайлт хийнэ. Хайлтын үр дүнд тухайн салбарт хамаарах барааны код, нийлүүлэгч, бар код, барааны нэр, ABC ангилал, өмнөх 7 хоногийн дундаж, өмнөх өдрийн захиалсан тоо, салбарын үлдэгдэл, санал болгох тоо, өнөөдрийн захиалах тоо, BOX болон IC дахь тоо, хэмжих нэгж, нийт тоо, нэгж үнэ зэрэг мэдээлэл харагдана. “Санал болгох тоогоор авах” сонголтыг ашиглан системээс санал болгосон тоо хэмжээг захиалгын тоонд оруулах боломжтой.

Зураг 1. Салбарын захиалга (Бөөнөөр)

Талбар	Тайлбар
Барааны код	Барааны системд бүртгэлтэй код.
Биелүүлэх огноо	Захиалгыг биелүүлэх огноо.
Нийлүүлэх төрөл	Барааны нийлүүлэлтийн төрөл.
Нийлүүлэгч	Тухайн барааны нийлүүлэгчийн мэдээлэл.
Бар код	Барааны бар код.
Барааны нэр	Бараа бүтээгдэхүүний нэр.
Туршилтын бараа эсэх	Тухайн бараа туршилтын бараа эсэхийг харуулна.
ABC ангилал	Барааны ABC ангиллын мэдээлэл.
Өмнөх 7 хоногийн дундаж	Өмнөх 7 хоногийн дундаж үзүүлэлтийг харуулна.
Өмнөх өдрийн захиалсан тоо	Өмнөх өдөр захиалсан барааны тоо хэмжээ.
Салбарын үлдэгдэл	Тухайн салбарт байгаа барааны үлдэгдэл.
Санал болгох тоо	Системээс санал болгож буй захиалгын тоо хэмжээ.
Өнөөдрийн захиалах тоо	Тухайн өдөр захиалах барааны тоо хэмжээ.
BOX дахь тоо	Нэг BOX-д агуулагдах барааны тоо хэмжээ.
IC дахь тоо	IC нэгжид харгалзах тоо хэмжээ.
Хэмжих нэгж	Барааны хэмжих нэгж.
Нийт тоо	Захиалах нийт тоо хэмжээ.
Нэгж үнэ	Барааны нэгжийн үнэ.

Нэмэлт мэдээлэл: Цонхны доод хэсэгт Худалдах үнэ, Ашгийн хувь, Хайрцаг дахь тоо болон Захиалгын өдөр гэсэн мэдээлэл байрлана. Захиалгын өдөр хэсэгт Да, Мя, Лх, Пү, Ба, Бя, Ня гэсэн гарагуудаар захиалгын өдрийг харах/сонгох боломжтой.

Анхаарах

Захиалга хаагдах хугацааг шалгаж захиалгаа боловсруулах шаардлагатай. Мөн “Санал болгох тоо” болон “Өнөөдрийн захиалах тоо” нь ижил ойлголт биш тул захиалгын тоо хэмжээг баталгаажуулахдаа анхаарна.

2.Салбарын захиалга

“Салбарын захиалга” цэс нь салбарын хэрэгцээнд үндэслэн бараа бүтээгдэхүүний захиалгыг бэлтгэх, нийлүүлэгч болон барааны мэдээллээр шүүн сонгох, санал болгосон болон захиалах тоо хэмжээг хянаж захиалга үүсгэх зориулалттай. Мөн өмнөх борлуулалт, захиалга, үлдэгдлийн мэдээллийг харьцуулан захиалах тоо хэмжээг тодорхойлоход ашиглана.

Салбарын захиалга бэлтгэхдээ захиалгын огноо, салбар, нийлүүлэгч болон шаардлагатай ангиллын мэдээллийг сонгоно. Системд захиалга хаагдах хугацаа харагдах бөгөөд сонгосон нөхцөлөөр барааны мэдээллийг хайж захиалгад оруулна.

Зураг 2. Салбарын захиалга

Талбар	Тайлбар
Захиалгын огноо	Захиалга бэлтгэх огноо.
Салбар	Захиалга үүсгэх салбарыг сонгоно.
Нийлүүлэгч	Захиалга хийх нийлүүлэгчийг сонгоно.
Division	Барааны холбогдох ангиллаар шүүнэ.
Department	Барааны дэд ангилал/хэсгээр шүүнэ.
Category	Барааны категориор шүүнэ.
Нийлүүлэх төрөл	Нийлүүлэлтийн төрлөөр мэдээллийг шүүнэ.
Захиалга хаагдах	Захиалга хүлээн авах хугацаа дуусах огноо, цагийг харуулна.

Барааны жагсаалтад захиалга боловсруулахад шаардлагатай барааны код, нэр, нийлүүлэгч, үлдэгдэл, өмнөх борлуулалт/захиалга, санал болгосон тоо болон өнөөдрийн захиалах тоо зэрэг мэдээлэл харагдана. Эндээс хэрэглэгчийн хувьд хамгийн чухал баганууд нь Барааны код, Барааны нэр, Нийлүүлэгч, Салбарын үлдэгдэл, Санал болгосон тоо, Өнөөдрийн захиалах тоо, Хэмжих нэгж, Нийт тоо, Нэгж үнэ юм.

Анхаарах

Захиалга үүсгэхдээ зөв салбар, нийлүүлэгч сонгосон эсэх болон захиалга хаагдах хугацааг шалгана. Барааны үлдэгдэл, санал болгосон тоо болон өнөөдрийн захиалах тоог нягталсны дараа захиалгыг хадгална.

3.Борлуулалтын захиалга

“Борлуулалтын захиалга” цэс нь харилцагчийн бараа бүтээгдэхүүний захиалгыг бүртгэх, захиалгын бараа, тоо хэмжээ, нэгж үнэ, нийт үнийг оруулах болон захиалгын төлөвийг хянах зориулалттай.

Борлуулалтын захиалга бүртгэхдээ эхлээд харилцагч, захиалга биелүүлэх огноо, захиалгын огноо болон захиалгын төлөв зэрэг үндсэн мэдээллийг оруулна. Үүний дараа “Дэлгэрэнгүй” хэсэгт захиалгад багтах бараа бүтээгдэхүүн болон тоо, үнийн мэдээллийг бүртгэнэ.

Зураг 3. Борлуулалтын захиалга

Талбар	Тайлбар
Захиалгын дугаар	Борлуулалтын захиалгын дугаар.
Харилцагчийн код	Захиалга өгч буй харилцагчийг сонгоно.
Захиалга биелүүлэх огноо	Захиалгыг биелүүлэхээр төлөвлөсөн огноог оруулна.
Захиалга өгсөн хэрэглэгч	Захиалгыг системд бүртгэсэн хэрэглэгчийг харуулна.
Захиалга өгсөн огноо	Захиалга бүртгэгдсэн огноог харуулна.
Захиалгын төлөв	Захиалгын тухайн үеийн төлөвийг харуулна.
Тайлбар	Захиалгатай холбоотой нэмэлт тайлбар оруулна.
Барааны код	Захиалгад оруулах барааны код.
Бар код	Барааны бар код.
Барааны нэр	Захиалсан барааны нэр.
Тоо	Захиалах барааны тоо хэмжээ.
Нэгж үнэ	Барааны нэгжийн борлуулах үнэ.
Нийт үнэ	Барааны тоо хэмжээ болон нэгж үнээс тооцогдох нийт үнэ.

Анхаарах

Захиалгыг хадгалахын өмнө харилцагч, бараа бүтээгдэхүүн, тоо хэмжээ, нэгж үнэ болон захиалга биелүүлэх огноо зөв эсэхийг шалгана.

4.Борлуулалтын захиалгын лавлагаа

“Борлуулалтын захиалгын лавлагаа” цэс нь системд бүртгэгдсэн борлуулалтын захиалгуудыг харилцагч, захиалгын огноо, бараа болон төлөвөөр шүүн хайж, захиалгын үндсэн мэдээлэл болон явцыг хянах зориулалттай. Шаардлагатай тохиолдолд захиалгын дэлгэрэнгүй мэдээллийг харах боломжтой.

Хайлтын нөхцөл нь захиалгын мэдээллийг харилцагч, захиалгын огноо, бар код, барааны код болон захиалгын төлөв зэрэг нөхцөлөөр шүүн хайна. Мөн “Борлуулалтын захиалгын дэлгэрэнгүй лавлагаа” сонголтыг идэвхжүүлснээр захиалгад багтсан бараа бүтээгдэхүүний дэлгэрэнгүй мэдээллийг хамтад нь харах боломжтой.

Зураг 4. Борлуулалтын захиалгын лавлагаа

Талбар	Тайлбар
Захиалгын дугаар	Борлуулалтын захиалгын системээс олгогдсон дугаар.
Харилцагчийн код	Захиалга өгсөн харилцагчийн код.
Харилцагчийн нэр	Захиалга өгсөн харилцагчийн нэр.
Захиалгын огноо	Захиалга бүртгэгдсэн огноо.
Захиалсан огноо	Захиалга хийгдсэн огноо.
Захиалгыг биелүүлэх огноо	Захиалгыг биелүүлэхээр бүртгэсэн огноо.
Захиалга өгсөн хэрэглэгч	Захиалгыг системд бүртгэсэн хэрэглэгч.
Төлөв	Захиалгын тухайн үеийн төлөв.

Анхаарах

Олон захиалга бүртгэгдсэн үед харилцагч, захиалгын огноо, төлөв, барааны код эсвэл бар код зэрэг нөхцөлийг ашиглан хайлтыг нарийвчлах боломжтой. Захиалгын барааны дэлгэрэнгүй мэдээлэл шаардлагатай бол “Борлуулалтын захиалгын дэлгэрэнгүй лавлагаа” сонголтыг идэвхжүүлнэ.